Manifestación pola Oficialidá'l 21 d'abril

La Xunta pola Defensa de la Llingua Asturiana (XDLA) dio anuncia esti miercoles de la convocatoria pal 21 d'abril n'Uviéu d'una manifestación de sofitu a la oficialidá del asturianu.

Yera vezu la convocatoria d'una manifestación en defensa del idioma nel Día de les Lletres Asturianes, pero ante los ataques que ta sufriendo l'asturianu por parte de dellos sectores nel alderique entamáu pa una posible reforma estatutaria qu'incluyera la oficialidá de idioma, dende la XDLA consideraron que yera necesaria una gran rempuesta na cai qu'amuese l'apoyu popular a esta propuesta. Y buscando una gran convocatoria consideraron que la meyor opción yera facer la convocatoria un sábadu, y que nun coincidiese cola Selmana de les Lletres.

Dende la XDLA cuenten que la manifestación atrope un gran respaldu, pa ello tienen previsto una riestra d'iniciatives pa llograr la gran movilización esperada. Una d'estes iniciatives ye presentar mociones de sofitu a la movilización nos conceyos que celebren Plenu. Amás d'entemar reuniones con entidaes y asociaciones pa poder axuntar al  mayor númberu de sectores sociales. Y facer campañes de difusión como será la presentación de un cantar, y el so vidéu clip, y publicitaries con anuncios de radio y nos autobuses municipales d'Uviéu, Xixón y Avilés. Estes y otres iniciatives dirán faciéndose públiques nos próximos dies.