Mañana sal a la venta "Estratexa"

"Estratexa", l'últimu discu de los asturianos "Manta Ray", ponse mañana a la venta.Ya va pa ocho años que "Manta Ray" sacó col sellu "Subterfuge" un EP ("Escuezme"), y una canción, "With Love And Squalor". Dende entós p'acá pudimos escuchar dos álbumes d'estudiu : "Pequeñas puertas que se cierran, pequeñas puertas que se abren" y "Esperanza", amás de delles collaboraciones y discos compartíos con xente como "Corcobado", "Diabologum" o "Schwarz".Esti añu llega la nueva propuesta de "Manta Ray", editáu por "Acuarela" y producíu por Kaki Arakarazo, llega"Estratexa", que ye la forma que tien esti grupu de volver a un rock más contundente y directu, buscando averar el soníu del discu al de los sos directos. Pa ello proponen una batería agresiva que nun dexa duda de les sos intenciones, guitarres eléctriques más eléctriques que nunca y la presencia de los samplers y la voz.El grupu ya tien cerraos conciertos per toa Europa, en marzu tarán en Rusia, p'Abril van facer una xira per dellos países d'Europa, y pa finales d'esti mes esperen facer la presentación del discu en Xixón.