Mañana primer gran conciertu

Mañana sábadu pela nueche, nel conceyu de Santu Adrianu, tenemos la primer gran cita del folk asturianu d'esti añu. Un conciertu que sirve de cumal pa tola serie d'actividaes que podéis disfrutar durante toos estos díes nel Mercáu de Villanueva de Santu Adrianu.La nueche entamará a les 22:00 hores de la mano del grupu Ú?, que fadrán la so primer gran presentación. Ú? son una banda formada por Rubén Bada, col vigulín y el bouzouki, Rubén Álvarez guitarra y Pedro Díaz cola flauta travesera, toos ellos componentes de Xéliba, amás d'Antón Barquero de Lliberdón nes percusiones y Horacio García collaborador de Tejedor col contrabaxu.Darréu actuarán "Tejedor", que tan en plenu procesu d'ellaboración del so nuevu discu, siguíos pol grupu de Ribeseya "Corquiéu". Depués vendrán "Los Ciquitrinos", la banda con una propuesta de folk que de xuro a esa hora calecerá l'ambiente, y pa finar unos clásicos d'esta nueche folk, "Dixebra".A propósitu de "Corquiéu", esta selmana pues escuchar una entrevista nel programa Xorrecer d'Asturies a la cantante d'esti grupu Genma García y Xandru García miembru tamién d'esta banda, na entrevista falen de la so evolución y del conteníu del so primer discu "La Barquera".