Macron ganó la segunda vuelta a Le Pen col 65,68 por cientu de los votos

|
Resultaos segunda vuelta Presidenciales franceses

El centrista lliberal ye'l presidente nuevu de Francia, trunfu que tranquiliza a Europa.

Nuna segunda vuelta marcada pola alta astención (24,66 por cientu) y el récor francés de votos en blanco (8,57 por cientu) y nulos (3,03 por cientu), Emmanuel Macron superó por 31 puntos de diferencia a Marine Le Pen, candidata del Front National: 65,68 por un 34,32 por cientu. D'esta manera, l'especialista n'inversión bancaria de 39 años que lideró'l proyeutu políticu de creación nueva En Marche!, va ser el presidente de Francia nos cincos años próximos.

La victoria de Macron supón un respiru pa les instituciones europees, yá qu'un trunfu de la ultraderechista Le Pen ayeri supondría un terremotu políticu de consecuencies graves pol pesu que tien Francia na Xunión Europea. Macron, que tien un discursu centrista no político y lliberal no económico, aseguró tres conocer los resultaos que va defender "a Francia y a Europa".

Contador Estadistiques