Música pa la fiesta'l trabayu

El Fondu Unitariu de Solidaridá Obrera d'Asturies (FUSOA) entama por cuartu añu consecutivu un conciertu nel barriu de Cimavilla de Xixón. Ellí, na parte alta d'esti barriu, L'Atalaya, van tocar esti sábadu día 30 d'abril una bona riestra de grupos que van dende les bandines tradicionales hasta'l rock más contundente.

Esti conciertu lleva'l nome de Folixa del Primeru de Mayu, y va pal cuartu añu que se celebra nel mesmu sitiu, el barriu xixonés de Cimavilla. Los organizadores vuelven a repetir la fórmula cola mezcolanza d'una bona ristra de grupos y estilos pa facer interesante la tarde y nueche d'esti domingu 30 d'abril. Asina van tocar La Bandina del Matu Grosso, formada por músicos procedentes de varies formaciones asturianes, Skontra el grupu de rock xixonés que ta pa sacar yá'l so últimu discu Semeya de la rabia, Stoned Atmosphere col so Hip Hop de gran calidá fecho n'Asturies, amás ésta va ser una de les úlitmes ocasiones pa ver a Stoned, yá que se van dar unes vacaciones pa que'l cantanate Arma X prepare'l so primer discu en solitariu con producciones de xente como Mr Hache, Lego my Ego y Dark la Eme, el discu ta previsto que salga n'ochobre. Completen el cartel el rock de Mala Reputación col so últimu discu "Al límite siempre" y pieslla la llista Insershow, grupu catalán de versiones. Los conciertos van entamar a eso de les 15:30 hores y la entrada ye de baldre.