Más de 100 persones van collaborar con Duerna na presentación de ‘Manca la Maera’

Na madrugada del domingu al llunes, a les 00.30 hores nel marcu de les fiestes de Sama, ta previsto l’entamu del conciertu de presentación del primer discu de Duerna, ‘Manca la Maera’. Más de 100 persones van participar na actuación.
 
El grupu ganador del VI Concurso Escenario Prau lleva preparando con un enfotu esta cita cola que va presentar ‘Manca la Maera’, primer trabayu d’estudiu tres la espublización de la maqueta ‘Dende’l chigre’. Asina, contautaron con más de 100 músicos y baillarines pa ufrir a tolos llangreanos una conciertu especial nel parque Doráu de Sama dientro de les fiestes de Santiago. "Va ser un espectáculu de soníu y illuminación que nun va dexar indiferente a naide", aseguren dende la banda.
 
Los músicos que confirmaron la so presencia na cita xunto con Estefanía Moro (percusión y voz), Pablo Carrera (gaita y voz), Pedro Pablo Iglesias (guitarra, harmónica y voz) y Andrés Martínez (percusión), componentes de Dueran, son: Los Berrones, Marisa Valle (voz), Dani Álvarez (bouzouki), Melanie Moers (contrabaxu), Coru Padre Coll, Miguel Yofre (bandoneón), Tante Blanco (guitarra eléctrica), Pablo Pérez (bouzouki), Carlos Velasco (voz), Abraham Riego (guitarra), Tomás Fernández (saxofón y trompeta) y los pandereteros Cristina García, Lorena Fernández y Rubén Alonso. Amás, tamién van tar presente les bandes de gaites Conceyu de Llangréu, Conceyu de Siero y Noega, y los grupos de baille L’Esperteyu, Reija, Blimea y L’Enguedeyu.