L'Uviéu-Sporting va xugase a les 16 hores

|
Xornada 16 Segunda División

LaLiga programa'l derbi asturianu nel Carlos Tartiere Nuevu pal domingu 17 de payares.

Yá hai fecha y hora pal primer de los dos partíos más esperaos de la temporada pa les aficiones del Uviéu y el Sporting. Con un mes d'antelación diose a conocer la programación de la xornada 16 de Segunda División, asitiando l'enfrentamientu de rivalidá máxima en solitariu na franxa horaria de les 16.

El choque va televisase pela canal #Vamos, polo que namái los clientes de la plataforma Movistar van poder ver el derbi nos sos llares. LaLiga, amás, por mor de los calendarios asimétricos y dirixíos, coloca esti partíu na xornada de parón pa los enfrentamientos de seleiciones, polo que nin Uviéu nin Sporting van contar colos sos internacionales, salvo arrenunciu de les sos federaciones a convocalos.

Contador Estadistiques