Lula da Silva gana nel Brasil

El candidatu del Partíu de los Trabayadores, Lula da Silva, ganó les Elecciones nel Brasil col 47% de los votos, anque tendrá falta de llegar a una segunda vuelta contra José Serra, socesor del actual presidente Henrique Cardoso. 115 milions de brasileños y brasileñes participaben nestes elecciones, históriques porque por primer vez un candidatu procedente de la izquierda más obrerista se presentaba con traza de poder ganar y amás col sofitu de representantes de movimientos sociales brasileños tan relevantes como los ensin tierra y los más de los sindicatos, amás de los principales diarios y hasta sectores financieros y empresariales. Sicasí, pa llegar a ser un candidatu con posibles, Lula tuvo qu'aselar el discursu y l'apariencia, anque'l programa col que se presentó nun dexa de suponer un cambéu radical colo qu'había. Los efectos del trunfu de Lula, que llega al poder tres cuatro intentos electorales, nun dexen de ser un misteriu.Pa saber más calca nestos enllaces:Especial de La InsigniaEspecial de Yahoo BrasilRecomendamos tamién estos artículos de Octavio Rodríguez Araujo y Barbosa Filho