Luis Enrique dexa’l fútbol

Anque dende xunu se contaba con que'l central del Barcelona diba acabar la so carrera deportiva col Sporting de Xixón, el mesmu Luis Enrique diz que nun se ve pa siguir xugando

La web oficial del futbolista asturianu asoleyó ayeri un comunicáu en que LuisEnrique esplicaba toles razones que lu llevaron a dexar el fútbol, anque tenía ufiertes pa marchar a xugar n'equipos de Francia, Qatar, Inglaterra, Xapón y México. El xugador esplica que toles ufiertes suponíen una incoropración inmediata, amás de que en munchos casos el futbolista nun se vía capaz d'aguantar el ritmu de les competiciones, una valoración de les sos propies capacidaes que tamién lu llevó a refugar la ufierta del Sporting de Xixón, únicu equipu nel que contaba con xugar en casu de nun marchar pal estranxeru. Según les palabres del futbolista "nun podría aguantar la idea de vestir la camiseta roxiblanca ensin ar al 100% de les mis condiciones" y ye que LuisEnrique cree que la so aportación nun diba ser bona pa meyorar al Sporting, al que, de cualquier manera, va seguir sofitando como espectador dende la tribunona d'El Molinón.