LSSI - IAS

Esti 27 de xunu, el Congresu de los Diputaos aprobó la Llei de Servicios de la Sociedá de la Información y del Comerciu Electrónico (LSSICE), más conocida como 'Llei d'Internet'. Yá de la que se supieron les bases del proyectu llexislativu, bien de colectivos internautes y especialistes particulares dixeron qu'aquella llei, que se suponía que tenía que regular el comerciu electrónicu y l'actividá económica na rede, yera un ataque contra les llibertaes más elementales. D'entós p'acá, pela rede van faciéndose delles campañes contra esta llei, que, n'aplicándose,podría facer reales supuestos tan increyibles como estos. Dende'l web kriptópolis ta faciéndose un poco la coordinación y espardimientu d'estes campañes, a les que ta acabante de xuntase, por primer vez, una organización asturiana. Ello ye que'l partíu políticu Izquierda Asturiana ta pañando firmes pa que la Xunta Xeneral del Principáu, una de les poques instituciones qu'entovía pueden facer daqué por echar p'atrás esta llei, pida que se declare inconstitucional la LSSI.