Los votos del PSOE, Foro y IX valten l'ataque del PP a la materia de Llingua Asturiana

El Plenu de la Xunta Xeneral refugó la moción del Partido Popular (PP) que proponía la inclusión d'una segunda llingua estranxera (francés) y Teunolóxía como materies de llibre configuración que compitieren con Llingua Asturiana y Cultura Asturiana gracies a los votos en contra del PSOE, Foro y IX. Nel casu de la formación liderada por Francisco Álvarez-Cascos, propunxeron la inclusión de la Llingua Francesa nel bloque de materies específiques, onde la Conseyería de Cultura, Educación y Deporte introduz como asignatura única Educación Artística, lo que nun llevaría nin a la Llingua Asturian nin al Gallego-asturiano a competir con un segundu idioma estranxeru. El PP refugó esta opción.