Los usuarios d’Asturies.com nun participen nes actividaes de la Fundación Princesa de Asturias

Pese a qu’un 33 por cientu de los nuesos usuarios ve como interesantes les actividaes qu’entama la Fundación Princesa de Asturias, un 88 por cientu nun participa en nenguna d’elles. Éstos son los resultaos del ‘Conceyu Abiertu’ que plantegamos.

La entruga concreta yera ‘¿Participa nes actividaes de la Fundación Princesa de Asturias con motivu de los premios?’, a lo qu’un 67 por cientu respondió ‘Non, pa nada’, por un 21 por cientu qu’escoyó la opción ‘Non, anque son interesantes’. Namái un 12 por cientu sí apuntó qu’acudía a dalgún de los munchos eventos que se celebraron la semana pasada en dellos puntos del país.

Yá ye posible opinar nun ‘Conceyu Abiertu’ nuevu. Nesta ocasión queremos plantegar a los nuesos llectores si creen que l’astención del PSOE en Madrid va propiciar un apoyu del PP a la FSA-PSOE pa sacar alantre los presupuestos y evitar una segunda prórroga presupuestaria.