Los usuarios d’Asturies.com creen que les movilizaciones van restar votos a los mayoritarios

|

El movimientu ciudadanu que ta llenando les places de les ciudaes asturianes y del tol Estáu va restar votos a los partíos mayoritarios, según la opinión de los llectores d’Asturies.com. Un 47 por cientu escoyó esta opción en ‘Conceyu Abiertu’
 
Por contra, un 37 por cientu de los nuesos usuarios consideren que les protestes entamaes al traviés de les redes sociales nun van tener nengún efeutu nes eleiciones del domingu. Mentes, el 10 por cientu tienen la opinión de que la movilización ciudadana que ta teniendo repercusión a nivel mundial va provocar una mayor astención de la prevista, y un 7 por cientu opinen que lo que va producir ye una medra del númberu de votos en blancu.
 
Esta nueche van siguir les protestes en Xixón, Uviéu y Avilés pese a la decisión de la Xunta Eleutoral Central de prohibiles el sábadu, xornada de reflexón, y el domingu, día de votación. Tovía nun ta claro si la Policía va desallugar a los manifestantes de la Plaza Mayor, Escandalera o plaza de la Casa Conceyu, una aición que podría aumentar más la indignación de la xente.

Contador Estadistiques