Los usuarios d’Asturies.com aprovechen el Día del Llibru n’Asturianu pa mercar

Un 78 por cientu de los llectores d’Asturies.com aprovecharán el Día del Llibru n’Asturianu pa mercar dalgún productu nel idioma del país con un 10 por cientu de descuentu. Amás, recibirán de baldre ‘El ríu y la memoria’.

Por contra, un 13 por cientu de les persones que votaron nel nuesu ‘Conceyu Abiertu’ nun van comprar nengún llibru o discu a lo llargo d’esti vienres, mientres qu’un 8 por cientu nun tomara una decisión nel momentu de participar na encuesta. Les persones interesaes n’aprovechar la ufierta y, de pasu, facese cola antoloxía poética de Nené Losada Rico espublizada por mor de la celebración de la XXXIV Selmana de les Lletres Asturianes, pueden acudir a los establecimientos siguientes: Aldebarán, Antares, Casa del Libro, Cervantes, El Corte Inglés, Diocesana, Garluc, Maribel, Ojanguren, Polledo, Puntos, Reconquista, San Pablo, Santa Teresa, II Milenio y Servitec (Uviéu); Bardos, Central, Cornión, El Corte Inglés, English Books Shop, Hernández, Paradiso, Roy y Tienda Mundo Sonoro (Xixón); Azucel, Casona, Clarín, El Corte Inglés, Víctor Núñez, La Vieja Atalaya y Tienda Elepé Productions (Avilés); Disco 55, La Pilarica y La Torre (Mieres); Treito (Cangas del Narcea); Imagen (Cangues d’Onís); Mario (Cancienes); Sol (L’Entregu); Rima (L’Infiestu); Clarín (Llanes); A. Pantiga (Ciañu); Arvín (Llaviana); Helas (Ḷḷuarca); Gestión (Les Arriondes); Muséu de la Sidra (Nava); Naredo y San Vicente(La Pola Siero); y FNAC (Paredes).

Tamién se pue acceder a esta ufierta na Feria del Llibru y Discu n’Asturianu, que va tar abierta al públicu na Pescadería Municipal Antigua d’Avilés hasta’l domingu nel horariu siguiente: de 11 a 14 hores y de 17 a 21 hores, güei y mañana; y de 11 a 19 hores, el domingu.