Los trabayadores d'El Comercio entamen un actu contra los despidos

Los trabayadores d’El Comercio organicen pa esti miércoles 22 un actu festivu-reivindicativu contra’l treslláu de la rotativa a Benavente y los 29 despidos. Va ser frenti al edificiu del diariu xixonés.

“Una folixa con música y varidaes pa que seya bien escuchada polos responsables del terrible erru de treslladar la rotativa a Benavente”, asina define’l colectivu de trabayadores l’actu qu’entamen esti miércoles, a les 18 hores, frenti a la sede del periódicu.

Dende’l colectivu de trabayadores critícase qu’El Comercio “va zarrar l’añu 2010 con 600.00 euros de beneficiu y tien en marcha un pelotazu urbanísticu d’a lo menos diez millones d’euros nos sos terrenos”. D’esti mou animen a los empleaos nel periódicu y a persones y colectivos a solidarizase cola so llucha.