Los trabayadores de Vesuvius lleven les sos protestes a la Xunta

|

Percorrieron a pie la distancia ente Riañu y Uviéu, cerca de 19 quilómetros.

Los trabayadores de Vesuvius entamaron a les 8 hores una marcha pa defender los 111 puestos de trabayu de la factoría llangreana de la multinacional británica. Cuatro hores y pico depués entraban a Uviéu, onde numberoses persones esperábonlos pa sofitalos y acompañalos hasta la Xunta Xeneral, destín final d'esta aición de protesta.

Los representantes del comité d'empresa accedieron al edificiu p'aconceyar na Sala Xovellanos colos grupos parllamentarios y dar a conocer la situación a los políticos.

Contador Estadistiques