Los sindicatos agrícoles preparen cortes de carretera pola xuba del gasoil

Los sindicatos agícoles asturianos dieron anuncia ayeri de que, con motivu del francimientu de les negociaciones cola alministración centrl, diben entamar dende'l día de güei cortes de carretera nes principales víes de comunicación asturianes. El preciu del gasoil ta tres d'esta movilización que sofiten los trés sindicatos del sector, ASAJA, UCA y COAG.

L'altu preciu del gasoil agrícola o gasóil "B" qu'usen los tractores y tola maquinaria grícola ta tres de la convocatoria d'estes movilizaciones. Esti combustible, que tien una fiscalidá distinta a la del gasoil "A" d'automoción, lleva d'un tiempu p'acá acusando una xuba de preciu que-yos abulta yá insoportable a les organizaciones agraries, que demanden que se rebaxe la fiscalidá d'esti gasoil y que se faiga otru tanto col IVA que paguen agricultores y ganaderos, que se-yos dean ayudes complementaries y que s'entamen planes de renuevu de la maquinaria agrícola.

Dende ASAJA sorrayen que nun tien sentíu que l'alministración central s'ateche en mandaos de la Unión Europea pa nun rebaxar la fiscalidá del gasoil agícola cuando Francia y Portugal yá lo tan faciendo, mientres qu'Isabel Calleja, representante de la comisión xestora que dirixe'l sindicatu COAG tres de la dimisión de Marino Fernández, diz que la situación que ta dándose col gasoil ye insostenible en cuantes que los marxes de beneficiu del sector son yá mui pequeños y puen llevar al pieslle d'esplotaciones, dalgo que ta afectando incluso a les grandes esplotaciones.