Los Sidros y La Comedia, representación del país nel VIII Desfile Máscara Ibérica

|

El VIII Desfile Máscara Ibérica, acontecimientu principal del FIMI de Lisboa, va tener otru añu más color asturianu. Nesta ocasión la representación del país nesti eventu qu’axunta a miles de persones son Los Sidros y La Comedia de Valdesoto.

Na marcha de les mazcaraes desplazaes a Lisboa participen alrededor de 500 persones pertenecientes a 29 grupos procedentes de dellos puntos de la Península Ibérica, a los que se suma nesta edición del festival entamáu por Progestur los búlgaros Survakari, de Pernik. Asina, xunto a Los Sidros y La Comedia van caleyar les cais de la ciudá les mazcaraes siguientes: Caretos de Lagoa (Mira); Caretos de Varge y Caretos de Parada e Grijó de Parada (Bragança); Cardadores de Vale d Ílhavo; Chocalheiro de Bemposta, Velho de Vale do Porco y Festa dos Velhos de Bruçó (Mogadouro), Máscaros de Vila Boa (Vinhais); Caretos de Podence (Macedo de Cavaleiros); Entrudo das Aldeias dos Xisto de Góis (Coinmbra); Mini Caretos de Cascais; Los Boteiros y Folión de Viana do Bolo (Galicia); Los Guirrios y las Madamas de Llamas de Ribera, Los Toros y los Guirrios de Velilla de la Reina, Los Jurrus de Alija de Infantado (Lleón), Los Hombres de Musgo de Béjar (Salamanca); El Pajarico y El Caballico de Villarino, La Filandorra de Ferreras de Arriba, Los Carnavales de Villanueva de Valrojo, La Vaquilla y los Cencerros de Palacios del Pan, El Tafarrón de Pozuelo de Tábara, La Vaca Bayona de Almeida de Sayago, El Atenazador de San Vicente de la Cabeza, Los Carochos de Riofría de Alista (Zamora); Las Carantaños de San Sebastián –en Acehúche– y Jarramplas –en Piornal– (Cáceres); Altsasuko Inauteria (Euskal Herria); y Survakari (Pernik, Bulgaria). Los de Valdesoto van tar acompañaos pola Bandina Principado.

El desfile va principiar a les 16.30 hores y va facer un percorríu peles cais de Lisboa con final na Praça do Rossio, axuntando a miles de persones al so pasu. Amás, la televisión pública portuguesa, RTP, fai un siguimientu importante al eventu, ún de los más destacaos que vive la ciudá a lo llargo del añu.

 

Contador Estadistiques