Los responsables d’Unidá van acudir a toles víes llegales pa que se reconoza la so candidatura

Ignaciu Llope, candidatu de la coalición Unidá (Andecha Astur, Izquierda Asturiana y Los Verdes-Grupu Verde) que vio como la Xunta Electoral refugaba les sos candidatures al nun reconocer a los representantes d'Andecha Astur llexitimidá sobre la so sigla, alvirtió que los servicios xurídicos de la formación tán preparando un recursu contenciosu, acordies colo previsto na llexislación electoral y col que los representantes d'Unidá s'enfoten en llograr la proclamación de toles candidatures de la coalición a las elecciones autonómiques y de conceyos.

Llope señaló que les Xuntes Electorales de Zona adoptaron "postures contradictories" anulando namás les llistes d'Unidá polos conceyos d'Uviéu, Xixón y Avilés amás de les autonómiques, mientres que nel restu d'Asturies, les candidatures "sí se proclamaron".
Llope dixo que, casu de necesitase, va acudise al Tribunal Constitucional "que fallaría en cualquier casu enantes del día 10", polo que s'enfotó en llograr tar presente nes elecciones.