Los precios suben cuatro décimes n'Asturies n'avientu

L'Índiz de Precios de Consumu (IPC) subió cuatro décimes n'Asturies el pasáu mes d'avientu, y la tasa interañal queda nel 3,2 por cientu, según datos publicaos pol Institutu Nacional d'Estadística (INE).

No que va d'añu, los precios subieron nel Principáu un 3,2 por cientu. Por grupos, los más inflacionistes fueron Bebíes Alcohóliques y tabacu (6,2 por cientu), Tresporte (1,8 por cientu), Alimentos y bebíes non alcohóliques y otros (con un 0,5 por cientu), Vivienda (con un 0,5 por cientu), Menaxe (con un 0,2 por cientu), Hoteles, cafés y restoranes (0,3 por cientu) y Enseñanza (con un 0,1 por cientu).
  
Pela contra, la conxelación de precios en Medicina y Comunicaciones y el descensu esperimentáu en Vistíu y Calzáu (-2,8 por cientu) y n'Ociu y Cultura, (-0,1 por cientu) evitó una subida mayor de la cesta de la compra asturiana n'avientu.