Los países más ricos aconceyen na montaña del Canadá

Depués de la xunta de Xénova, qu'acabó en traxedia cuando la policía mató a un manifestante, los estaos miembros del G-8 busquen agora l'abellugu de la montaña canadiense pa poder aconceyar más tranquilos. El club de los países más ricos del planeta (Los EEUU, Alemania, el Xapón, Francia, Canadá, Italia y Inglaterra, col añadíu de Rusia) tien per delantre una axenda oficial na que rescamplen los debates sobre desarrollu sostenible, el futuru del continente africanu y la obsesiva "llucha contra'l terrorismu", puntu caberu tres el que se guarden los proyectos de George Bush pal oriente mediu, y que pasen pela creación d'un estáu palestín con Arafat fuera del gobiernu, una propuesta que nun tien la bendición europea Otros temes secundarios sedrán la llucha contra'l virus del Sida o la fin de la "resquiebra dixital". Como yá ye norma, los grupos que defenden una globalización distinta a la que se diseña nel conceyu d'estadistes, faen tamién la so xunta paralela. El pueblu de Kananaskis ye l'escenariu del cume de los pueblos, que va presentar delles propuestes alternatives al G-8. L'actualidá de lo que pasa alredor d'esta asamblea pue seguise dende los webs Take The Capital o dende les secciones de la rede mundial de contrainformación Indymedia n'Ottawa y Alberta

Contador Estadistiques