Los 'memes' sobre l'idioma tomen les redes

|
Los 'memes' sobre l'idioma tomen les redes

La propuesta d'Iniciativa pol Asturianu con motivu del Día Internacional de la Llingua Asturiana tien ésitu ente los usuarios.

Estos díes últimos ye habitual ver en Twitter y otres redes sociales 'memes', denominación que reciben les imáxenes con mensaxe que se distribúi al travies de foros o estes redes, en llingua asturiana o gallego-asturiano. La razón ye una campaña d'Iniciativa pol Asturianu siguiendo la idea llanzada por Rising Voices llamáu 'retu del meme na llingua materna' cola que se pretende visibilizar la diversidá llingüística.

El concreto, la campaña consiste en crear un meme orixinal y risonderu n'asturianu y añedir les etiquetes #MemeML y #asturianu o #gallegoasturiano y espublizalu en Twitter, Instagram o Facebook. La iniciativa va desendolcase hasta'l domingu con motivu del Día Internacional de la Llingua Materna, que tien llugar mañana (21 de febreru).

Iniciativa pol Asturianu anima a compartir los memes "con otra xente de tol mundu y retar a otres persones pa que creen más memes y estiendan la propuesta per redes sociales públiques, como les citaes, y d'usu priváu como WhatsApp o Telegram". Pa ello ufierta una serie de páxines onde poder crear memes, como Memegen, Meme Generator, Meme Creator, Makeameme o Meme Dad.

Contador Estadistiques