los mayores pufos tecnolóxicos del añu

Los llectores de la prestixosa revista de nueves tecnoloxíes Wired News tan acabante de da-yos un premiu a los pufos informáticos más gordos del añu acabante terminar. La llista de premiaos de Wired news ye un estoyu lo que nos medios de fala inglesa llamen "vaporware": idegues fantástiques y nueves dafechu que s'anuncien como la octava maraviella pero qu'acaben quedando pa prau ensin que naide sepia más d'elles. Ente los premiaos d'esti añu tan un proyectu que podría convertir en dixital cualquier máquina de retratar de carretes, una axenda electrónica tipu palm pero con 20 xb de discu duru o una versión nueva de la plataforma informática Amiga, un sistema abondo célebre polos sos gráficos nos años 80; pero nada llevó tantos votos como los xuegos d'oredenador que nunca nun lleguen a salir. Ente ellos, el ganador absolutu de la votación de Wired News foi l'anunciadísimu xuegu "Duke Nuke'm Forever" que la casa 3-D Realms lleva prometiendo que va sacar dende 1.998.