Los llugares d'Asturies qu'algamaron -8 graos

Na fin de selmana la nieve va repartise nel suroccidente y na zona central del cordal.

Asturies vivió una nueche mui fría y encara unes xornaes colos termómetros marcando temperatures baxes. La más estrema rexistróse en Ḷḷeitariegos, -8,8 graos, mentes que na estación de Payares quedó en -8,4 graos, según los datos de l'Axencia Estatal de Meteoroloxía (AEMET).

La xornada de güei va vivir un pequeñu ascensu de temperatures, pero van siguir siendo fríes, polo que la Conseyería de Salú tien activu'l nivel 1 d'alerta, de riesgu baxu, pola previsión de qu'Uviéu, ciudá de referencie, algame los -2 graos güei, mañana y pasao. La nieve espérase mañana nel suroccidente, mentes que'l domingu va concentrase na zona central del cordal.

Na semeya, el Puertu Payares vistu dende la fastera lleonesa.