Los llectores d'Asturies.com nun ven necesariu'l tercer carril na 'Y'

Hai alternatives. Éso ye lo que piensen los usuarios d'Asturies.com que participaron nel nuesu 'Conceyu Abiertu'. Un 59 por cientu apuesta por una potenciación de l'AS-II y del tresporte públicu enantes de facer una obra d'un costu superior a 100 millones.

La entruga concreta que plantagamos yera '¿Cree necesario la construcción d'un tercer carril na autopista 'Y'?', a lo que'l 59 por cientu respondión 'non, ta l'AS-II y debería de potenciase más el tresporte públicu', por un 41 qu'apuesta pola obra, qu'implica tomar la mediana, 'porque'l tráficu de la vía ye mui altu'. L'aniciu de los trabayos tán previstos pa finales del 2018.

Dende esti momentu yá ye posible participar nun 'Conceyu Abiertu' nuevu. Nesta ocasión queremos conocer la opinión de los nuesos llectores sobre la postura tomará el PSOE con respeuto a la posibilidá de facilitar al popular Mariano Rajoy la so investidura como presidente del Gobiernu estatal tres la xornada eleutoral d'ayeri.