Los llectores d’Asturies.com nun creen que les celebraciones relixoses garren puxu en Selmana Santa

|
Xesucristu talla

La cobertoria amplia nos medios de comunicación de les procesiones de Selmana Santa nun significa que n’Asturies haya una mayor siguimientu a les celebraciones relixoses entamaes nesti tiempu. Un 65 por cientu de los llectores asina lo consideren.

La entruga plantegada nel nuesu ‘Conceyu Abiertu’ yera ‘¿Cree que les celebraciones relixoses tán garrando puxu n’Asturies en Selmana Santa?’, con un resultáu nel que’l ‘Non’ foi’l mayoritariu. Un 65 por cientu votó por esta opción, por un 35 por cientu que considera que ‘Sí’ esiste un aumentu del sentimientu relixosu en Selmana Santa que se percibiría nel siguimientu y participación nes diferentes procesiones que se celebren n’Asturies.

Munches d’éstes nacen n’imitación a los modelos de celebración castellanos o andaluces, territorios onde la Selmana Santa tien más raigón popular. Un procesu de mimetismu qu'en dalgunos casos podría llegar a confrontar cola tradición esistente en delles poblaciones d’Asturies, como Villaviciosa o Ḷḷuarca.

Contador Estadistiques