Los llectores d’Asturies.com creen que’l PP va apoyar los presupuestos de la FSA pa devolver l’astención

|

Un 83 por cientu de los nuesos usuarios cree que’l PP ‘va devolver la moneda de Madrid’ apoyando los presupuestos del Executivu de Javier Fernández, presidente de la xestora del PSOE. La falta d’alcuerdos hasta'l momentu cola izquierda n’Asturies conduz al país a una segunda prórroga presupuestaria.

La entruga plategada nel nuesu ‘Conceyu Abiertu’ yera ‘¿Apoyará’l PP los presupuestos de la FSA-PSOE pa evitar una prórroga presupuestaria nueva?’, a lo qu’un 83 por cientu votó pol sí al entender que va ser una contrapartida pola astención socialista na investidura de Mariano Rajoy, postura que permitió al popular investise como presidente del Estáu. Namái un 17 por cientu considera que ‘Non, nun tien nada que ver’.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer la opinión de los nuesos llectores si ye necesario ampliar la regulación pa xubir a los Llagos de Cuadonga a tolos periodos festivos y vacacionales del añu depués de los importantes atascos rexistraos estos díes, que sí va afitase otra vuelta ente’l 3 y 11 d’avientu por mor de la ponte ‘la Constitución’. Nesti 2016 el conocíu como Plan de Tresporte a los Llagos de Cuadonga activóse na Selmana Santa, la ponte del 1 de mayu y del 15 de xunetu al 8 de setiembre, impidiendo la xuba de vehículos privaos a la zona de 8.30 a 20 hores.

Contador Estadistiques