Los llectores d'Asturies.com consideren probes los actos entamaos esti 8 de setiembre

A un 89 por cientu de los nuesos llectores que participaron en 'Conceyu Abiertu' nun-y prestó los actos convocaos por mor del Día de la Nación Asturiana. Considera qu'éstos foron "probes" y que quedaron tapecíos pola bayura de fiestes qu'hai nesta fecha.

La entruga plantegada a los usuarios d'Asturies.com nesta ocasión foi '¿Prestaron-y los actos d'esti 8 de setiembre?', a lo qu'un 89 por cientu respondió 'Non, foron mui probes y acabaron tapecíos pola bayura de fiestes d'esi día n'Asturies'. Mentes, un 11 por cientu sí que quedó satisfechu con esta xornada porque "hebo variedá y participación de xente tantos nos institucionales como nos convocaos por organizaciones".

Esta selmana queremos dar continuidá a esta cuestión y plantegamos a los nuesos llectores nun 'Conceyu Abiertu' nuevu qué habría que facer pa potenciar la celebración del Día de la Nación Asturiana.