Los llectores d'Asturies.com apoyen les ayudes de 25.000 euros pa frenar el despoblamientu de la zona rural

L'ayuda de 25.000 euros que'l Gobiernu va ufrir a mozos en paru pa la creación d'empreses non agrícoles en zones rurales ye un aciertu pa los nuesos usuarios. Un 64 por cientu de los que participaron en 'Conceyu Abiertu' sofiten la midia.

La entrugada plantegada nesta ocasión yera '¿Paezte bien que se subvencione a mozos en paru pa que creen empreses non agrícoles en zones rurales?', lo que contó col apoyu del 64 por cientu de los nuesos llectores, por un 36 por cientu que voto en contra. Estes ayudes tienen l'oxetivu de fixar población na zona rural, una midida que tamién recibe'l preste de los empresarios d'estos llugares.

Dende esti momentu yá ye posible opinar nun 'Conceyu Abiertu' nuevu. Nesta ocasión queremos conocer qué opinen los nuesos usuarios con respeuto a les repercusiones n'Asturies de la coalición Unidos Podemos.