Los llectores d’Asturies.com víen necesario l’adelantamientu de les eleiciones xenerales

Un 53 por cientu de los llectores d’Asturies.com consideraben necesaria la midida de José Luis Rodríguez Zapatero d’adelantar les eleiciones xenerales. El 20 de payares va ser la segunda cita de los asturianos coles urnes esti añu.
 
Pela so parte, un 28 por ciertu de los nuesos usuarios preferíen que Zapatero acabase la so segunda llexislatura al frente del Gobiernu estatal y un 19 por cientu escoyeron la opción del nuesu ‘Conceyu Abiertu’ de nun opinar sobre’l tema. D’esta forma, una mayoría de los llectores d’Asturies.com víen necesario un adelantamiento de les eleiciones xenerales pa reconducir la situación económica del Estáu, como reclamaba la oposición.
 
Dende estos momentos ta abiertu un ‘Conceyu Abiertu’ nuevu nel que queremos saber qué opinión tienen los nuesos llectores sobre la fuelga de futbolistes que provocó la suspensión de la primer xornada de Lliga en Primera y Segunda División.