Los llectores d’Asturies.com refuguen la reforma de la Constitución

La modificación del artículu 135 de la Constitución entamada pol PSOE y el PP nun-y presta’l 77 por cientu de los llectores d’Asturies.com. Los partíos contrarios a esta reforma tán buscando apoyos pa que’l cambiu se vote en referéndum
 
Izquierda Xunida, Iniciativa per Catalunya Verds, ERC, BNG, Coalición Canaria, UPyD y Nafarroa Bai son les formaciones políques que tán trabayando p’algamar la firma de los 35 diputaos qu’obligaría a convocar un referéndum y frenar les aspiraciones de los partíos mayoritarios de facer un reforma esprés de la Constitución, midida que refuguen el 77 por cientu de los nuesos usuarios. Mentes, el 11 por cientu de los llectores d’Asturies.com manifiéstense en ‘Conceyu Abiertu’ favorable a esti cambiu, mesmu porcentaxe de les persones qu’optaron pol ‘dame igual’.
 
Otra manera, esta selmana queremos conocer la opinión de los nuesos llectores sobre la decisión de Foro Asturias Ciudadano (FAC) de presentase a les eleiciones xenerales del 20 de payares por Madrid. Yá pueden votar nel nuesu ‘Conceyu Abiertu’.