Los llectores d’Asturies.com creen que van ser cuatro los partíos que representen a Asturies nel Congresu

N’opinión de los usuarios d’Asturies.com, cuatro formaciones polítiques van tener representación nel Congresu por Asturies. Toles encuentes publicaes nestes selmanes últimes reflexen esa posibilidá.
 
De confirmase los pronósticos, PSOE, PP, IX y Foro seríen les cuatro fuercies que se repartan los ochos diputaos asturianos que s’escueyen esti domingu nes urnes. Una posibilidá que considera real el 70 por cientu de los nuesos llectores. Un 20 por ciento opina qu’esti númberu va vese reducíu a trés, mentes qu’un 8 por cientu cree qu’habrá más de cuatro y un 2 por cientu que van repetise los resultaos de les dos eleiciones xenerales últimes, cuando PSOE y PP repartiéronse los escaños.
 
La macroencuesta del CIS d’estimación de voto da trés representantes al PSOE y al PP, por ún pa IX y otru pa FAC, datos nos que coincide la fecha por Ipsos pa ‘La Nueva España’. Mentes, la de Campañas Electorales Low-Cost pa ‘Libertad Digital’ quita ún escañu al PP pa dalu a Foro.
 
Otra manera, yá ta abiertu un ‘Conceyu Abiertu’ nuevu nel qu’entrugamos a los nuesos llectores qué postura ha de mantener el Gobiernu énte Air Europa tres la decisión de la compañía d’abandonar la ruta ente Asturies y Madrid, permitiendo otra vuelta’l monopoliu d’Iberia nesta llinia.