Los llectores d’Asturies.com creen que Mariano Rajoy nun va sacar al Estáu de la crisis

El ‘Conceyu Abiertu’ que plantegaba a los nuesos llectores si víen a Mariano Rajoy capacitáu pa sacar al Estáu de la crisis, dexó nidio les poques esperances que tienen nel líder popular. Un 89 por cientu cree que nun lo va conseguir.
 
D’esti porcentaxe, hai que puntualizar qu’un 39 por cientu considera que la salida de la crisis nun depende del Gobiernu estatal nuevu, sinón qu’esta situación económica na que nos atopamos vien de más arriba. Mentes, el restu, un 50 por cientu, ta convencíu de que Rajoy nun va ser capaz de salvar esti problema. Otra manera, un 9 por cientu sí confia nes artes del gallegu pa sacar al Estáu de la crisis. Namái un 3 por cientu optó pola opción ‘Nun sé’.
 
Dende yá, los nuesos usuarios pueden votar nun ‘Conceyu Abiertu’ nuevu. Nesta ocasión queremos saber cuál ye la opinión de los llectores d’Asturies.com sobre la propuesta de Llamazares de facer un frente común col restu de diputaos asturianos pa defender los intereses del país.