Los llectores d’Asturies.com creen que los datos de la encuesta del CIS nun van ser los definitivos

|

La estimación de votu del CIS espublizada la selmana pasada daba ganador n’Asturies al PSOE al sumar 19 escaños (35,7 por cientu de los votos), polos 16 (32,2 por cientu) qu'algamaría'l Partido Popular, los 7 (15 por cientu) de Foro Asturias Ciudadano (FAC) y los 3 (8,2 por cientu) d’Izquierda Xunida-Los Verdes d’Asturies (IX-LV). Un 61 por cientu de los llectores d’Asturies.com creen qu’estos datos nun van asemeyase a los que van dase’l 22 de mayu.
 
Mentes, un 22 por ciento de los usuarios que votaron na encuesta del nuesu especial ‘Eleiciones 2011’ señalaron que los resultaos daos por Centru d’Investigaciones Sociolóxiques (CIS) sí van ser mui paecíos a los reales. Por contra, un 17 por cientu asegura nun fiase de les encuestes eleutorales.
 
Dende güei mesmu, los llectores d’Asturies.com pueden votar una nueva encuesta nel nuesu especial que recueye tola información de cara a les eleiciones y que la selmana qu’entra va reforzase con entrevistes a candidatos.

Conteníu especial: 
Contador Estadistiques