Los llectores d’Asturies.com creen qu’el país va pasar de los 90.000 desemplegaos

Nel mes de febreru, Asturies rexistró 88.072 desemplegaos, cifra más alta rexistrada dende 1996. En Conceyu Abiertu entrugábamos sobre la evolución futura del paru nel país y una mayoría grande cree que les cifres van siguir medrando.
 
El 79 por cientu de los nuesos llectores creen qu’en feches próximes vamos superar los 90.000 desemplegaos, mentes que’l 1 por cientu considera que los datos del paru van mantenese, anque ensin llegar a esa cifra simbólica. Por contra, un 20 por cientu de los usuarios muéstrense optimistes y piensen que yá se tocó techu y que les cifres del paru van descender nos meses próximos.
 
Mañana, los llectores d’Asturies.com van poder votar una encuesta nueva na seición Conceyu Abiertu.