Los llectores d’Asturies.com, contrarios al cambiu de modelu del tren de la llinia Asturies-Madrid

El Conceyu Abiertu qu’entrugaba sobre’l cambiu del modelu d’Alvia de la llinia Asturies-Madrid dexó nidia la postura de los usuarios d’Asturies.com. Un 71 por cientu considera qu’esta decisión “ye una manera más de riise de los asturianos”.
 
La segunda opción más votada, tamién contraria a la llegada d’un modelu con menor capacidá y servicios peores, señala que’l cambiu “da un motivu más pa usar l’autobús o l’avión” (12 por cientu). Por contra, un 9 por cientu de los nuesos llectores considera “que nun se va notar” porque’l Alvia S-120.050, que va facer la llinia Asturies-Madrid l’añu qu’entra, ye similar al actual S-130.
 
La opción menos votada, pola qu’optó un 8 por cientu de los llectores d’Asturies.com, señalaba que la decisión de Renfe “ye entendible porque son más necesarios pa Galicia y Murcia”, comunidaes que van recibir los trenes que faen agora’l serviciu n’Asturies. Mañana, los usuarios d’Asturies.com van poder votar una encuesta nueva na seición Conceyu Abiertu.