Los llectores d’Asturies.com consideren desacertáu'l cese de Cienfuegos como direutor del FICX

Un 46 por cientu de los usuarios d’Asturies.com consideren que la decisión de Carlos Rubiera de sustituyir a José Luis Cienfuegos al frente del FICXixón foi desacertada. Sicasí, un 35 por cientu apoyen la iniciativa del conceyal de FAC.

El ‘Conceyu Abiertu’ que plantegamos estes selmanes últimes pretendía conocer la opinión de los llectores d’Asturies.com sobre la destitución polémica de Cienfuegos tres 16 ediciones dirixendo’l Festival Internacional de Cine de Xixón (FICXixón), un tiempu nel que certame xixonés consolidóse como un referente del cine independiente a nivel mundial. Un 46 por cientu de los nuesos usarios optaron por el ‘Non’ como respuesta a la entruga ‘¿Considera acertada la decisión de Carlos Rubiera de destituyir a José Luis Cienfuegos como direutor del FICXixón?’, mentes qu’un 35 por cientu votaron por el ‘Sí’. Por último, un 18 por cientu del total de votantes escoyeron la opción ‘Nun sé’.

Dende esti mesmu momentu, los llectores d’Asturies.com pueden dar la so opinión nun ‘Conceyu Abiertu’ nuevu. Nesta ocasión queremos conocer qué esperen qu’asoceda nes eleiciones nacionales anticipaes convocaes por Francisco Álvarez-Cascos pal 25 de marzu.