Los llectores d’Asturies.com consideren “un insultu” el recorte presupuestariu de Cultura a l’ALLA

El presupuestu de l’Academia de la Llingua Asturiana (ALLA) va menguar de forma definitiva nun 40 por cientu al pasar de 230.000 euros a 167.900. Pa los llectores d’Asturies.com esta reducción ye “un insultu a la institución académica”.
 
El 69 por cientu de los usuarios de la nuesa web que votaron nesti ‘Conceyu Abiertu’ escoyeron esta opción frente al 26 por cientu que dicen entender la postura de la Conseyería de Cultura y Deporte porque’l recorte ye “dalgo lóxico nestos tiempos de crisis”. Mentes, un 5 por cientu marcaron el ‘Nun sé’. Estos resultaos reflexen la indignación de los llectores d’Asturies.com sobre la situación difícil que va atopar l’ALLA, con un presupuestu yá de por sí axustáu, pa siguir col so llabor de normativización y recuperación llingüística.
 
Dende esti mesmu momentu, los nuesos llectores yá pueden votar nun ‘Conceyu Abiertu’ nuevu. Nesta ocasión queremos saber la so opinión sobre la repercusión que tendría nel Estáu la celebración d’un referéndum n’Escocia sobre la so independencia.