Los llectores d’Asturies.com apoyen la fuelga na sanidá asturiana

|

Un 65 por cientu de los usuarios d’Asturies amosó en ‘Conceyu Abiertu’ el so sofitu a les fuelgues na sanidá asturiana convocaes n’ochobre polos sindicatos médicos y sanitarios. Los paros van continuar nel mes de payares.

Mentes, un 26 por cientu afirmó tar en contra nes movilizaciones de les centrales col Serviciu de Salú del Principáu d’Asturies (SESPA) y un 9 por cientu optó pola opción ‘Nun sé’. La falta de voluntá por negociar del Gobiernu d’Asturies llevó al Sindicato Médico Profesional de Asturies (SIMPA) a convocar paros nuevos a xornada completa en doce feches en payares: los díes 6, 7, 9, 12, 14, 16, 19, 21, 23, 26, 28 y 30 de noviembre. Sicasí, el SIMPA unvió una propuesta nueva pa evitar los paros. No que respeuta a los sindicatos sanitarios –esceuto UXT– mantuvieron güei otra xornada de fuelga, tienen prevista otra pal llunes y amenacen con cuatro más en payares si siguen ensin llegar a un alcuerdu col SESPA.

Los nuesos usuarios yá pueden votar nun ‘Conceyu Abiertu’ nuevu. Nesta ocasión prestaríamos saber qué opinen de la posibilidá de que los diputaos y emplegaos de la Xunta Xeneral dieran clase de Llingua Asturiana na Cámara, como propón Iniciativa pol Asturianu.

 

Contador Estadistiques