Los internautes indignaos espublicen en Twitter les sos razones pa movilizase’l 19 de xunu

Baxo la etiqueta #motivosparael19J, los internautes indignaos tán argumentando les razones que-yos lleven a movilizase'l 19 de xunu. Nesa fechan tán previstes manifestaciones en tol Estáu del movimientu ‘Democracia real yá’.
 
Tovía nun esisten horarios concretos pa este manifestaciones que van celebrase en toles ciudaes que se sumaron al movimientu aniciáu’l pasáu 15 de mayu y que ta teniendo repercusión en tol mundu, pero los internautes yá tan espardiendo la convocatoria pela rede. Asina, al traviés del Twitter, dende tol día tán colgando motivos pa participar nes movilizaciones del 19 de xunu.
 
Ente los mensaxes que pueden lleese atopamos opiniones de toda triba al traviés de ‘tweets’ como los espublizaos por migidotcom –“porque alguien que dedica toda su vida a formarse no puede acabar viendo emigrar como única salida para vivir dignamente”–, de femmeatlantique –“Porque a la mayoría de los políticos parece habérseles olvidado que sin nosotros, no son nada”– o Caninator –“Para que los escaños valgan lo mismo y se acabe el régimen neoliberal del #PPSOE”–, por citar trés. Tal ta siendo l’ésitu d’esta propuesta de los indignaos que la etiqueta #motivosparael19J yá ye ‘trending topic’ a nivel estatal en Twitter.