Los grupos Duerna y Sambre actúen esti fin del selmana

El fin de selmana musical va tar protagonizáu pola actuación de Duerna, el sábadu en Cenera, y pol homenaxe a Piñera que van facer el domingo los sos collacios na sala Savoy nel so cabudañu. Nél destaca l’actuación de Sambre, KPE y Kings of Makaha.
 
Duerna va llevar los temes de la so maqueta ‘Dende’l chigre’, grabada nos estudios Luna Music de Llugo nel 2009, y cantares nuevos a La Panadería, en Cenera, a partir de les 20 hores. El grupu, procedente de la cuenca’l Nalón, cuenta con temes instrumentales y cantaos, tanto de composición propia como igües de pieces tradicionales.
 
Mentes, el domingu na sala Savoy de Xixón, siete bandes asturianes van homenaxear a Piñera nel so cabudañu: Kings of Makaha, Odio Visceral, Old’s Cool, Sepukku, Asstrainers, KPE y Sambre, nesti orde. El conciertu va entamar a les 19 hores y cada grupu va tocar unos 30 minutos.
 
Otros conciertos destacaos d’esti fin de selmana son el de Los Chichos (Stilo d’Uviéu, 22 hores), el vienres; y De la Fe y las Flores Azules (Acapulco de Xixón, 21 hores) y Los Coronas/Arizona Baby (Kandela d’Uviéu, 22 hores), el sábadu.