Los gallegos Luar na Lubre actúen n'Avilés

|

Con motivu de la fiesta de 'El Bollo'.

Avilés sal güei a comer a la cai en comuña. Ye la fiesta de 'El Bollo', una folixa bien guapa qu'esti añu va completase con una sobremesa marcada pola música de raigaños celtes.

Va ser gracies a la presencia de los gallegos Luar na Lubre, que van actuar na plaza El Parche a partir de les 19 hores. La banda del país vecín más conocida internacionalmente fundóse nel 1986 y tien una trayeutoria amplia al llombu, con dieciséis discos editaos y 300.000 copies vendíes.

Nel so trabayu últimu, 'Extra mundi', interpreten temes d'otres países, ente elles l'asturiana 'Nel campu ñacen flores'.

XXV Alcuentru Coral d'Habaneres

A les 20 hores, nel Auditoriu Casa de Cultura, va tener llugar una edición nueva del Alcuentru Coral d'Habaneres. Nesta ocasión van participar l'Agrupación Coral Concejo de Llanes, la Coral Capilla de la Torre (Villaviciosa), l'Agrupación Coral de Porceyo (Xixón) y l'Agrupación Polifónica Centro Asturiano de Avilés.

 

 

 

Contador Estadistiques