Los furacos d'Infoasturias

El Principáu d'Asturies presentó ayeri la nueva versión del so portal turísticu oficial. Con un presupuestu de 83.500 euros, la nueva Infoasturias, desarrollada pola división de Tecnoloxíes de la Información de la Duro Felguera, quier ser más accesible y más prestosa de visitar, enxertando más semeyes y conteníos.Con too y con ello, Infoasturias presenta bien de carencies que tendrán que meyorase col tiempu si quieren que seya'l web más representativu d'Asturies. Los conteníos siguen ensin ofrecese namás qu'en castellanu, y hai estayes que tan mui poco trabayaes. Por exemplu, hai delles arees culturales, como'l patrimoniu industrial, bayurosu por demás n'Asturies, a les que nun hai namás que curties referencies. Llama l'atención sobremanera'l separtáu dedicáu a etnografía, onde lo único qu'hai ye un estoyu de testos d'escritores falando d'Asturies. Anque muncho más grave ye qu'en tol xigantescu volume de testu nun se recueya nenguna referencia a la simple esistencia de la llingua asturiana. El ningunéu que se fai del asturianu llega a tal estremu qu'en tol web nin siquiera se fala de "los bables"

Contador Estadistiques