Los fallos de la defensa eliminen al Sporting

L'equipu de Xixón quedó elimináu na primer ronda de la Copa'l Rei. Los d'Acebal, acabantes de perder a Pablo Amo, que marchó pal Coruña, nun foron quien a ganar a un Valladolid, que, anque ye equipu de primera, acabó xugando con 10. El primer gol de los castellanos metiolu na primera parte'l sub-21 Aganzo. El Sporting xugó bastante mal, pero yá na segunda parte, cuando'l Sporting parecía que se daba, apaeció Villa pa marcar l'empate en xugada individual, forzando amás la espulsión de Peña. Sicasí, cuando los pucelanos yá se veíen na prórroga, Sousa marcó'l gol que los clasificó directamente. Los fallos de la defensa condenaron al Sporting, que pudo meter más goles, pero Manel y Soto fallaron oportunidaes clares