Los exipcios piden na Plaza Tahrir que se procese a Mubarak

EL CAIRU, 8 d'Abril (Reuters/EP) Unos 100.000 exipcios manifestáronse esti vienres n'El Cairu pa pidir que procesen al ex presidente Hosni Mubarak xudicialmente y acusaron al Exércitu de ser demasiao lentu a la hora d'acabar cola corrupción del Gobiernu anterior. "¡Oh mariscal de campu, fuimos bien pacientes!", cantaron algunos de los concentraos na plaza Tahrir, centru de les manifestaciones que provocaron la cayida de Mubarak y llevaron al poder al Exércitu, dirixíu pol xeneral Mohamed Hussein Tantawi, que tien el títulu de mariscal de campu.