Los equipos asturianos de Segunda B repiten grupu

|
Los equipos asturianos de Segunda B repiten grupu

El Mirandés ye l'únicu club de Castilla y Lleón nel mesmu al pasar el Burgos al 1.

Asturies va repetir con cántabros, vascos, navarros y rioxanos nel grupu 2 de la Segunda División B, cola incorporación del Mirandés pa completar los venti equipos. La intención de los asturianos yera tornar al 1, con gallegos, castellanos, lleoneses y rioxanos, pero finalmente la Comisión de Segunda B refugó la propuesta asturiana y los conxuntos del país caltiénense nel 2 per segundu añu.

D'esta forma, l'UP Langreo, el Sporting B y el Vetusta van competir col Mirandés, de Castilla y Lleón; el Real Racing Club y Gimnástica, de Cantabria; la Real Sociedad B, Bilbao Athletic, Gernika, Leioa, Arenas Club, Real Unión, Amorebieta, Vitoria, Durango y Barakaldo, d'Euskadi; el Tudelano y Izarra, de Navarra; y l'UD Logroñés y Calahorra, de La Rioja. L'aprobación final de la composición de los cuatro grupos de Segunda B ha de producise'l día 24 n'Asamblea de la Real Federación Española de Fútbol.

 

Contador Estadistiques