Los ecoloxistes piden mídíes contra l’impactu d’una empresa sidreúrxica en Corvera

El Colectivu Ecoloxista d'Avilés presentó en Conceyu de Corvera una serie d'alegaciones nes que reclama midíes contra'l posible impactu ambiental d'instalación d'una planta d'aglomeración de subproductos siderúrxicos que quier asitiar n'antigua cantera "La Esperanza" de Solís la empresa Ecoloxía y Servicios Siderúrxicos, S.L.

Los ecoloxistes ven poco amañoso asitiar la fábrica nesti llugar porque diba xenerar munchu tráficu nuna zona mui a desmano de los centros de consumu de los productos que fadría la empresa.

Con too y con ello, los ecoloxistes piden que, en tou casu, s'apantalle correctamente visual y acusticamente'l sitiu y que se garantice que nun van facese vertíos al ríu que pasa al llau de la cantera, proponiendo que s'estudie l'emplegu por parte de la fábrica del agua embolsao n'antigua mina en cuenta de lo de la traida, si fuere posible. Con ver puntos negativos nel proyectu, los ecoloxistes albidren que la iniciativa empresarial tien daqué de positivo al recuperar viruta y forgaxa de fierro que nun se reciclaba hasta agora y que s'echaba al vertederu directamente. El proyectu presentáu pretende recuperar estos sobrantes siderúrxicos aglomerándolos pa dempués compactalos con hormigón.