Los diputaos del PP piden l'absolución de Cándido y Morala

Los diputaos por Asturies del PP nel Congresu de los Diputaos, Alicia Castro, Isidro Fernández Rozada, José Avelino Sánchez y Leopoldo Bertrand solicitaron ayeri formalmente énte'l Ministru de Xusticia, Mariano Fernández Bermejo, l'indultu pa los sindicalistes Juan Manuel Martínez Morala y Cándido González Carnero, Cándido y Morala, condenaos a tres años de cárcele polos estrozos asocedíos nes movilizaciones del sector naval de Xixón nel añu 2004. D'otra manera, les movilizaciones pola lliberación de los dos sindicalistes de la Corriente Sindical d'Izquierdes siguen. Ayeri, los sos compañeros de Naval Xixón cortaron el tráficu na plaza de Maximino González por espaciu d'un cuartu d'hora.