Los contribuyentes yá pueden solicitar y confirmar el borrador de la declaración de la Renta 2011

|

Dende esti martes yá ta abiertu’l plazu pa solicitar y confirmar el borrador de la Renta 2011 per Internet pese a que la campaña entama de manera oficial el 3 de mayu. El 2 de xunetu ye la fecha última pa facer la declaración.
 
El borrador pue llograse y confirmase per vía telemática, al traviés de la sede electrónica de l'Axencia Tributaria n'Internet, anque Facienda va unvialu per corréu ordinariu a los contribuyentes que nun recurrieren a esta vía cuando entame la camapaña. Una vez que se reciba'l borrador, tien que revisase, pudiendo nel so casu completar o modificar la información recoyida nel mesmu antes de proceder a la so confirmación. El plazu pa la confirmación per vía telemática entama tamién güei y acaba'l 2 de xunetu, anque si se fia per otres víes, el plazu empieza'l 3 de mayu. Si'l resultáu ofrez una cantidá a ingresar y el so pagu se domicilia en cuenta, la confirmación o suscripción del mesmu nun va poder realizase más tarde del 27 de xunu, nun siendo que se domicilie namás el segundu pagu.
 
Como tolos años, van poder solicitar el borrador los contribuyentes que namái tengan rindimientos del trabayu, rindimientos del capital moblame con retención o ingresu a cuenta, Lletres del Tesoru, imputación de rentes inmobiliaries de dos inmuebles a lo más, ganancies patrimoniales sometíes a retención o ingresu a cuenta y sovenciones pa l'alquisición de vivienda habitual.

Contador Estadistiques