Los contaxos caltiénense perbaxo los 3.000

Descienden tamién les hospitalizaciones.

Per tercer xornada siguida detectáronse menos de 3.000 contaxos de COVID-19. Llueu de rexistrar les cifres más altes del tol andanciu la selmana pasada, el sábadu hebo 2.800 positivos, 2.594 el domingu y 2.735 ayeri.

Ameyora tamién la cifra de persones ingresaes. Hai 415, polos 425 del domingu, de los que 359 tán en planta, 10 menos, y 56 siguen na UCI.

Nel día finaron cuatro muyeres de 96, 96, 88 y 66 años. El total de muertes nel andanciu cola enfermedá causada pol coronavirus SARS-CoV-2 queda en 2.224.

Na semeya, zona de descansu nel puntu de vacunación de Xixón, nel Palaciu de Deportes.